لم يشهد المجتمع المصرى حادثاً بهذه البشاعة ، ولم تتعرض امرأة لمثل ما تعرضت له السيدة فاطمة الضحية التى التهم لحمها 11 ذئب آدمى أو مسخ بشرى ...
كذلك لم يشهد القضاء المصرى فى تاريخه حكماً بهذه القسوة ، الاعدام لعشرة متهمين و15 سنة حبس للمتهم ال11 لأنه حدث لا يجوز اعدامه
فاطمة ...الضحية التى خطفها الجناة من بيتها ، ولم يرحموا صرخاتها ولا أنها أم لأطفال وأنها أجرت جراحة قيصرية و....
تتحدث فاطمة لأول مرة لبرنامج 90 دقيقة ...حيث نجح معتز الدمرداش فى استضافتها فى الاستوديو الا انها اصرت على عدم الدخول الى مكان التصوير ، أو حتى الظهور بصوتها ...وردت على معتز من داخل غرفة التحكم !!
لو ظهرت هموّت نفسى !!
قال معتز : قعدت ساعة مع فاطمة لاقناعها بالظهور معانا وقالت مش قادرة ، وكررتها 30 مرة ..وهى تحمل طفلها الرضيع ...هى قالت لو ظهرت فى البرنامج هاخرج من هنا واموت نفسى ....منذ الحادث وهى فى حالة انهيار عصبى ..
قال زوجها حسن فرحات للبرنامج : هى منهارة من يومها ...
لما تلاقى طفل بيخبط على الباب الساعة 1 مساء وتفتح تلاقى 3 بلطجية ويضربوا نار على الجيران وعلى ضابط المباحث محمد القاضى ..
اغتصبوها لمدة ساعتين وتركوها فى دمها وهربوا
اضاف زوج الضحية : أمن كفر الشيخ كله اتقلب ، وصلاح عباس ( احد المتهمين ) هو من دمر الموضوع وهو الوحيد اللى اهله قادرين على تهريبه وهو خد حكم غيابى
احنا اسرة ريفيى بسيطة ، وتركنا كفر الشيخ بالكامل ونقلنا محافظة تانية وانتقلنا فى كذا بلد علشان ننسى الموضوع
وعن زوجته قال : هى سيدة محترمة ومتعلمة ومن اسرة محترمة واللى حصل معاها ماكانتش هى المقصوده به ، كانت المقصودة اختى التى تقدم لخطبتها احد المتهمين وانا رفضت ، ولكن اللى نفذ الخطف غير اللى يعرفوها ، وخدوا معاهم اللى فتحت الباب ...!!!
يكمل : أول ما الناس تعرف نترك المكان علشان عاوزين ننسى ، نقلنا 3 مرات وهى مش عايزة حد يعرف ..من 3 سنسن لم تخرج ولم تفتح الباب ونشعر كلنا بالخوف ، دى 11 أسرة ( أسر المتهمين ) عرضت علسنا اغراءات كثيرة وتهديدات أكثر
قعدت مع فاطمة ...
أما د. عزة كريم استاذ علم الاجتماع فقالت : انا قعدت مع فاطمة فترة طويلة ، ومرور الوقت وصدور الحكم ساهم فى امتصاص غضب الاسرة ، وعندما تثبت براءة المرأة تجد المجتمع يتعاطف معها ، وهذه قضية جديدة من نوعها ....11 فرد خطفوا واحدة من بيتها ..ولكن التساؤل : دول مسجلين خطر ..ازاى نسيبهم فى المجتمع حتى يرتكبوا اكثر من جريمة ؟ !!
حاولت معاها 6 ساعات !!
اللواء محمود القاعود محامى فاطمة قال للبرنامج : حاولت معاها 6 ساعات علشان اقنعها تيجى البرنامج ولكنها رفضت الظهور لاحساسها بالجرح الغائر وبتقول كفاية عليا كدة ، لأنها اتسألت فى الشرطة والنيابة والطب الشرعى ، ولم تعد تستطيع ان تسمع او ترى أى شئ له علاقة بالمأساة
فاطمة تتكلم : ماعدتش زى الأول !!!
من غرفة التحكم تحدثت فاطمة الى معتز الدمرداش ، قالت : أنا ماعدتش زى الأول ، كنت باضحك وافرح ودلوقتى حتى العيد مش باقدرافرح فيه ، من يوم الحادث أخرج للضرورة ، وغيرنا السكن عدة مرات وأتمنى اسكن فى القاهرة لأن كفر الشيخ لايمكن ان نقيم فيها ...
أضافت فاطمة : فكرة انك تصعب على حد مش حاجة سهلة على الواحد ، أنا باخاف من الايام لأن اللى حصل كان فى يوم عادى جداً واناخايفة افضل فى كفر الشيخ ، وخايفة من اهالى المتهمين ومن نظرة الناس ...
