كشف استطلاع للرأى على الشبكة العنكبوتية الانترنت ان النسبة الاكبر من الفتيات والشباب يرفضون فكرة الزواج بالمطرب تامر حسنى والمطربة هيفاء وهبى .
وشارك فى الاستطلاع ما يقرب من 53 من اعضاء جروب "من حقى أن احيا سعيدة " على المنتدى الاجتماعى العالمى الفيس بوك.
حيث اتسمت اجابات البعض بالطرافة مثل ما قاله الشاب عبد الله "اوافق اتجوز هيفاء بس هى ترضى بى و هتكون مولاتى" واضاف اخر "حد يطول بس هى توافق"..وقال"اسامة هادى انه لو كانت سعاد حسنى كنت اتجوزها ولو كان يوسف بيه وهبى كنت اتجوز اما هيفاء حسنى وتامر وهبى لالالالالالالالالالالالالا".
فى حين اكد اخرين امثال محمد خليفة واحمد العربى وابراهيم شوقى وخالد بدوى المشاركين بالجروب انهم غير موافقين على الارتباط بهيفاء وقال محمد: ان الراجل مايقبلش اللى هى بتعمله وبتلبسه على العلن واكيد بعد المجهود الى بتعمله للظهور امام الاعلام والناس والعروض المذهلة مش هايكون لديها وقت لاظهار شى كويس لجوزها فى البيت لانها هاتكون أجهدت من كتر النظرات وكلمات الاعجاب ماينفعش اكون "كيس جوافه"..
تانى شى البنت أو السيدة كقطعة الحلوى بان كيك بالعسل مثلا قطعة حلوة سويسرية غالية وحلوة الطعم لو تركته بدون غطاء هايتلم عليها الذباب والحشرات ومن ياتى لياكلها سياكلها ملوثة تصيبه بالمرض واضربوا الامثال على العراه كلهم والرجولة شى عظيم لايتجزأ .
ورفضت ريهام عبد الله وشيرين طلعت وندا الحلو وكريمة عبد الله الزواج بتامر حسنى مؤكدات ان من توافق على هذا الزواج " ستكون الحياة معه غير طبيعية ،بمعنى ان البنات ليل نهارتتصل به وطبعا سوف تكون تحت رحمة التصوير ليل نهار..ولذلك ستكون الحيااااااااااااااه مملله جداااااااااااااا، والفتيات تحب الرجل الشرقي اللي يخاف علي حاجته مش تبقي معروضه للناس تتفرج عليها".
وقال محمود ابراهيم انه "من غير الممكن ان يوافق على الزواج بتامر لا لغيره و لا بنتى حتى أقول السبب بكل صراحة الزواج يقوم على ان كل طرف يحترم الطرف الأخر فى وجودة و غيابة ولكن كيف ممكن دة يحصل وفى أحضان و بوس لا يا سيدى طبعا لأ حتى ولو كان الفنان دة من أوفى رجال الأرض دة يبقى عايز واحدة باااااااااااردة تلاجة مش بنى ادم من لحم و دم.
وكان مدير الجروب الصحفى سيد الحاج قد اقام باستطلاع الراى وأرسله الى اعضاء الجروب الذين وصل عدد المشاركين فيه الى اكثر من 53 عضو فى اقل من 12 ساعة .
