مقهى الرجالة
لصاحبه المعلم:محمد عمر
إيه الفرق بين"الجواز"وجنينة الحيوانات؟
قال المعلم"علاولة"وهو يتخذ وضعية الفيلسوف لزمايل القهوة عارفين يا" غجر".."الجواز" ده بيفكرنى"بايه"؟!
-بايه يا" معلم"؟
-بجنينة الحيوانات..حيوانات ايه بس يا معلم ما تقولش كده
-ما اقولش ليه..يا" مفتح"منك له..طب اسألوا..اى واحد..أنت بتجوز ليه...أو...اتجوزت ليه؟حيقول..علشان ما اعش لوحدى،واموت موتة..الكلاب..،ولومتلفف..دى سنة الحياة..ولو عامل فيها" متدين"حيقول لك..باكمل نص دينى،ولو لمؤاخذة..كده وكده..حيقول لك علشان نجيب عيال..يعنى كله كلام مالوش أى علاقة من أساسه بالجواز..يعنى بروح أمه..اللى مش عايز يعيش لوحده.دة ايه مشكلة أهله ما ..عادى..ممكن يعيش مع اى..حد..والثانى اللى يقول له علشان باكمل دينى..مال..جوازته بالدين ماهى ممكن" الجوازة"تطلعه من دينه..ولا اللى بيقول دى" سنة الحياة" مين بقى اللى قاله أنها..دى..السنة
-ايوه يا معلم بس فيه برضه "حب"واستلطاف بين الناس
-لا...جبت التايهه يا فالح..طيب اسمع..مش فيه جوازات كتير قوى..بتم من غير معرفة..بين الاجواز..واحد أمه شافت له عروسة...بتجوزهاله وهوه زى..البلغة..واحده زميلته قالت له على ..بنت معاها فى الشغل..يروح يتجوزها علشان قالت له عليها أنها بنت "كويسة"خلاصة الكلام..اتنين مفيش بينهم اى علاقة..وبيتجوزوا..والناس تتفرج عليهم فى الفرح..ويعيشوا والناس تتفرج عليهم فى الحتة ويخلفوا والدنيا تتفرج عليهم..ايه بقى الفرق بينهم وبين اى"ذكر ونتاية"حطوهم فى قفص فى جنينة الحيوانات..وبعدين حنروح بعيد ليه" لو" ركبنا البشر على الحيوانات حنلاقى ان كل الانواع الموجودة فى..الجنينة...هى الموجودة فى الدنيا.. عندك الولية..العقربة،والعرسة،والحية..وعندنا برضه لمؤاخذة الست حرم" الباشا"الاسد..وكمان عندنا الراجل "التيس"و"البغل" والسيسى..
-الصلاة ع النبى يا معلم أنت سابق عصرك بس نسيت ..الحمار!!
-يا راجل فيه حد ممكن ينسى" أخوك" برضه.
